Umusaruro w’ubuhinzi ugiye kwikuba: Bimwe mu bidasanzwe byamuritswe n’ikigo cy’urubyiruko cyegukanye igikombe cy’imurikabikorwa ry’ubuhinzi n’ubworozi kunshuro ya 16

-

 









Hagati ya tariki 20-29 Kanama 2023, Ku Mulindi mu Karere ka Gasabo, habereye imurikabikorwa ry’ubuhinzi n’ubworozi ryateguwe na minisiteri y’ubuhinzi n’ubworozi, MINAGRI kunshuro yaryo ya 16. Imurikabikorwa ry’uyu mwaka ryari rifite insanganyamatsiko igira iti “Kuvugurura ubuhinzi n’ubworozi binyuze mu ikoranabuhanga, guhanga ibishya n’ishoramari”. Ni imurikabikorwa ryitabiriwe n’abamurikabikorwa bagera kuri 400 baturutse mu bihugu bigera kuri 16.

Mu isozwa ry’iri murikabikorwa hahembwe abahize abandi mu kumurika mu byiciro bitandukanye. AGRIRESEARCH UNGUKA Ltd, ikigo cy’urubyiruko gikora ubushakashatsi n’iyamamazabuhinzi bigamije isoko, cyaturutse mu karere ka Musanze, nicyo kigo cy’urubyiruko cyahize ibindi cyegukana igihembo cy’abamuritse neza.

Bimwe mu bidasanzwe AGRIRESEARCH UNGUKA Ltd yamuritse, harimo ikoranabuhanga ryitwa SmartInput, ikoranabuhanga rikomatanyije serivisi z’iyamamazabuhinzi zifasha abahinzi gukora ubuhinzi bwa kijyambere kinyamwuga. Rifite uburyo bufasha abahinzi kubara inyongeramusaruro nk’imbuto nziza, ifumbire n’imiti hagendewe kugihingwa n’ubuso bafite. Iri koranabuhanga rije nk’igisubizo ku ikoreshwa nabi ry’inyongeramusaruro aho wasangaga hari abahinzi bakoresha inyongera musaruro nyinshi cyangwa nkeya kuzo bakabaye bakoresha bikagira ingaruko haba k’umusaruro ndetse n’ibidukikije muri rusange.

Izindi serivisi ziboneka muri iri koranabuhanga harimo: uburyo bwo kubika amakuru y’ubuhinzi, gusobanura amakuru aba kubifuniko by’imiti n’amafumbire mu rurimi umuhinzi yumva no kubona amakuru n’ubujyanama buhoraho k’ubuhinzi bugezweho buhangana n’imihindagurikire y’ikirere binyuze k’urubuga ruhuza abahinzi n’abagoronome babahanga. SmartInput ni ikoranabuhanga rigezweho ryitezweho kuvugurura serivisi z’iyamamazabuhinzi mu Rwanda no mu Karere, mu kongera umusaruro mu buryo burambye no gukora ubuhinzi buhangana n’imihindagurikire y’ikirere.

Irindi koranabuhanga ryamuritswe rikagira uruhare mu guhesha igihembo AGRIRESEARCH UNGUKA Ltd, ni Firigo idakoresha umuriro yifashisha umwuka, amazi n’amakara mu gukonjesha. Ni firigo itangiza ikirere n’ibidukikije kuko ikoresha uburyo bw’umwimerere mu gukonjesha idakoresheje ingufu ndetse n’imyuka ihumanya ikirere yo mu bwoko bwa Chloroflorocarbons (CFCs). Iri koranabuhanga ryitezweho kugabanya iyangirika ry’imboga n’imbuto rikiri hejuru. Riroroshye kurikoresha kandi rihendukiye abahinzi bose. Icyi gikombe kije ari icya kabiri nyuma yuko nubundi ari bo begukanye icy'umwaka ushize mu bushakashatsi mu buhinzi n'ubworozi. 









Nyakubahwa Ministiri w’ubuhinzi n’ubworozi, Dr. Ilidephonse Musafiri, ashyikiriza igikombe USANASE Abdu, umuyobozi mukuru wa AGRIRESEARCH UNGUKA Ltd, mu muhango wo gusoza imurikabikorwa ryo kunshuro ya 16.

Nyakubahwa Ministiri w’ubuhinzi n’ubworozi, Dr. Ilidephonse Musafiri, asoza kumugaragaro iri murikabikorwa yashimiye cyane ababonye ibihembo, abahinzi n’aborozi muri rusange bitabiriye iri murikabikorwa n’abaterankunga batandukanye bagize uruhare rukomeye mu gutuma iri murikabikorwa rigenda neza. Yavuze ko yizerako mu myaka iri imbere abakire bambere bazaba ari abantu bakora ubuhinzi, bityo ashishikariza abahinzi gukora ubuhinzi bwa kinyamwuga, gushora bihagije no gukurikirana ibyo bahinze, batere imbuto nziza, bashyiremo amafumbire ahagije, kubipimo bikwiye kandi kugihe. Asoza yasabye ko ikoranabuhanga ndetse n’ibindi byamuritswe byakoreshwa bigashyirwa mu bikorwa bityo imurikabikorwa ritaha rikazasanga umusaruro wariyongereye k’urugero rwiza.


Comments

Post a Comment

Popular Posts

2023 Isize he Ubuhinzi ku Bikorera: Kompani Z'urubyiruko 5 Ziyoboye Izindi mu Guteza Imbere Ubuhinzi mu Rwanda

-
Image
  Mu Rwanda, ubuhinzi buracyaza kw'isonga mu kubeshaho abaturage benshi aho abarenga 63% by'abaturage bose batunzwe nabwo. Ibi bishimangira uko ubuhinzi ari ingenzi mu ubukungu n'iterambere ry'igihugu muri rusange. Nyamara nubwo bimeze bityo igabanuka ry'ubutaka buhingwaho  ahanini bitewe n'ubwiyongere bukabije bw'abaturage, ingaruka z'imihindagurikire y'ikirere no kugunduka k'ubutaka n'izimwe mu mbogamizi zikomeye zituma umusaruro w'ibikomoka k'ubuhinzi ukiri hasi cyane. Serivisi z'iyamamazabuhinzi zihamye kandi zinoze zigizwe no kwigisha abahinzi gukora ubuhinzi bwa kijyambere kandi buhangana n'imihindagurikire y'ikirere, ni kimwe mu bisubizo birambye ku kibazo cy'umusaruro muke n'iterambere ry'ubuhinzi muri rusange. Ntagihe kinini gishize, gutanga izi serivisi bigenda gahoro gahoro byegurirwa abikorera. Muri uyu mwaka ushize wa 2023, tugiye kurebera hamwe urutonde rwa kompani ziyoboye izindi kandi zitanga i...
Read more

UBUHINZI BW'URWANDA MU CYEREKEZO 2050

-
Image
  Ubuhinzi Bubyara Ubukire Mu myaka 20 ishize, ubuhinzi bwagize uruhare rukomeye mu izamuka ry’ubukungu no mu igabanuka ry’ubukene. Kuba Abanyarwanda begera 70% batunzwe n’ubuhinzi nabwo bukaba bwinjiza kimwe cya gatatu cy’umusaruro mbumbe w’imbere mu Gihugu, nta gushidikanya ko buzakomeza kugira uruhare rukomeye muri urwo rwego mu myaka 30 iri imbere. Ubuhinzi bufite uruhare runini ku byerekeranye n’umutekano w’ibiribwa, imirire, ibyoherezwa mu mahanga, kandi bufite isano ya bugufi n’urwego rw’inganda n’urwa za serivisi.  Urwego rw’ubuhinzi rwagize uruhare rungana na bibiri bya gatatu mu bijyanye no kugabanya ubukene mu gihe cy’Icyerekezo cya 2020. Twerekeje mu 2050, hazabaho iterambere mu rwego rw’ubuhinzi bigizwemo uruhare n’abahnzi babigize umwuga, barimo abagabo n’abagore, bazaba bita ku buhinzi bujyanye n’uruhererekane nyongeragaciro rw’ibikorwa by’inganda n’ubucuruzi. Ubuhinzi bugezweho bugamije isoko kandi bushobora guhangana n’imihindagurikire y’ibihe  Kugira ngo...
Read more