2023 Isize he Ubuhinzi ku Bikorera: Kompani Z'urubyiruko 5 Ziyoboye Izindi mu Guteza Imbere Ubuhinzi mu Rwanda

-

 


Mu Rwanda, ubuhinzi buracyaza kw'isonga mu kubeshaho abaturage benshi aho abarenga 63% by'abaturage bose batunzwe nabwo. Ibi bishimangira uko ubuhinzi ari ingenzi mu ubukungu n'iterambere ry'igihugu muri rusange. Nyamara nubwo bimeze bityo igabanuka ry'ubutaka buhingwaho  ahanini bitewe n'ubwiyongere bukabije bw'abaturage, ingaruka z'imihindagurikire y'ikirere no kugunduka k'ubutaka n'izimwe mu mbogamizi zikomeye zituma umusaruro w'ibikomoka k'ubuhinzi ukiri hasi cyane. Serivisi z'iyamamazabuhinzi zihamye kandi zinoze zigizwe no kwigisha abahinzi gukora ubuhinzi bwa kijyambere kandi buhangana n'imihindagurikire y'ikirere, ni kimwe mu bisubizo birambye ku kibazo cy'umusaruro muke n'iterambere ry'ubuhinzi muri rusange. Ntagihe kinini gishize, gutanga izi serivisi bigenda gahoro gahoro byegurirwa abikorera. Muri uyu mwaka ushize wa 2023, tugiye kurebera hamwe urutonde rwa kompani ziyoboye izindi kandi zitanga ikizere muri uyu mwaka wa 2024 mu guteza imbere ubuhinzi cyane cyane binyuze mu gutanga serivisi z'iyamamazabuhinzi.  

1. AGRIRESEARCH UNGUKA Ltd

Iyi kompani y'urubyiruko ifite ikicaro gikuru i Musanze. Ni kompani yazamukanye imbaraga nyinshi. Iyi kompani yamenyekanye cyane bitewe n'udushya n'ikoranabuhanga bigezweho mu kongera umusaruro no gukora ubuhinzi buhangana n'imihindagurikire y'ikirere aho bamaze kwegukana ibikombe bibiri byikurikiranya mu bahize abandi mu imurikabikorwa ry'ubuhinzi n'ubworozi ngarukamwaka ritegurwa na MINAGRI. 

Muri uyu mwaka ushize bashyize hanze ikoranabuhanga ry'itwa "SmartInput", rikomatanyije serivisi z’iyamamazabuhinzi zitangwa mu buryo bw'ikoranabuhanga n'abagoronome babahanga bafite ubumenyi bugezweho k'ubuhinzi bwa kijyambere. Iri koranubuhanga rifite uburyo bufasha abahinzi kubara inyongeramusaruro nk’imbuto nziza, ifumbire n’imiti hagendewe ku gihingwa n’ubuso bw'umurima. 

Bafite kandi ibyumba bikonjesha bidakoresha umuriro bizwi nka Zero Energy Cooling Chamber. Ni uburyo burambye kandi buhendukiye abahinzi, bukaba igisubizo mu kugabanya iyangirika ry'umusaruro rikiri hejuru, cyane cyane ku mboga n'imbuto.

2. YalaYala Group

YalaYala ni kompani y'urubyiruko ifite ikicaro gikuru i Kigali. Ni kompani yazanye impinduka z'ikomeye cyane mu gice cyo gukoresha imashini mu buhinzi (Mechanization). Iyi kompani ifite imashini zigezweho zifasha mu guhinga, gutera no gusarura mu kanya nkako guhumbya. Abahinzi benshi mu gihugu bari bagikoresha amasuka gakondo, intyamuro, n'ubundi buryo butagezweho byatumaga umusaruro ukomeza kuba mucye. 

3. YEAN Ltd

YEAN ni kompani y'urubyiruko ifite ikicaro gikuru i Kigali ikagira ibigwi mu kwigisha abahinzi gukora ubuhinzi bwa kijyambere. YEAN ifite imbuga zitandukanye za WhatsApp na Facebook zihuriyemo ibihumbi byinshi by'abahinzi byoroshya uburyo bwo gusangira amakuru agezweho mu ubuhinzi. 

YEAN kandi yagize uruhare rukomeye cyane mu guteza imbere ubuhinzi bw'imboga bukozwe hatifashishijwe ubutaka nka kimwe mu bisubizo by'igabanuka ry'ubutaka buhingwa ho. 

4. HORECO

HORECO ni kompani igizwe n'umubare munini w'urubyiruko rwize muri Israel. Ifite ikicaro gikuru i Kigali. Bagiye bafasha mu kwigisha abahinzi gukora ubuhinzi bwa kijyambere hirya no hino mu gihugu, gutunganya ibishanga no gutubura Imbuto y'ibirayi.

5. Agriwin Ltd

Agriwin Ltd ni kompani nayo ifite ikicaro gikuru i Kigali ikaba yaragize uruhare mu guteza imbere ubuhinzi cyane cyane mu gice cy'ubuhinzi bw'imbuto.

Bafite ubuhumbikiro bugezweho butanga ingemwe nziza zera vuba kandi zihanganira imihindagurikire y'ikirere. 


Comments

Post a Comment

Popular Posts

Umusaruro w’ubuhinzi ugiye kwikuba: Bimwe mu bidasanzwe byamuritswe n’ikigo cy’urubyiruko cyegukanye igikombe cy’imurikabikorwa ry’ubuhinzi n’ubworozi kunshuro ya 16

-
Image
  Hagati ya tariki 20-29 Kanama 2023, Ku Mulindi mu Karere ka Gasabo, habereye imurikabikorwa ry’ubuhinzi n’ubworozi ryateguwe na minisiteri y’ubuhinzi n’ubworozi, MINAGRI kunshuro yaryo ya 16. Imurikabikorwa ry’uyu mwaka ryari rifite insanganyamatsiko igira iti “Kuvugurura ubuhinzi n’ubworozi binyuze mu ikoranabuhanga, guhanga ibishya n’ishoramari”. Ni imurikabikorwa ryitabiriwe n’abamurikabikorwa bagera kuri 400 baturutse mu bihugu bigera kuri 16. Mu isozwa ry’iri murikabikorwa hahembwe abahize abandi mu kumurika mu byiciro bitandukanye. AGRIRESEARCH UNGUKA Ltd, ikigo cy’urubyiruko gikora ubushakashatsi n’iyamamazabuhinzi bigamije isoko, cyaturutse mu karere ka Musanze, nicyo kigo cy’urubyiruko cyahize ibindi cyegukana igihembo cy’abamuritse neza. Bimwe mu bidasanzwe AGRIRESEARCH UNGUKA Ltd yamuritse, harimo ikoranabuhanga ryitwa SmartInput, ikoranabuhanga rikomatanyije serivisi z’iyamamazabuhinzi zifasha abahinzi gukora ubuhinzi bwa kijyambere kinyamwuga. Rifite uburyo bufas...
Read more

UBUHINZI BW'URWANDA MU CYEREKEZO 2050

-
Image
  Ubuhinzi Bubyara Ubukire Mu myaka 20 ishize, ubuhinzi bwagize uruhare rukomeye mu izamuka ry’ubukungu no mu igabanuka ry’ubukene. Kuba Abanyarwanda begera 70% batunzwe n’ubuhinzi nabwo bukaba bwinjiza kimwe cya gatatu cy’umusaruro mbumbe w’imbere mu Gihugu, nta gushidikanya ko buzakomeza kugira uruhare rukomeye muri urwo rwego mu myaka 30 iri imbere. Ubuhinzi bufite uruhare runini ku byerekeranye n’umutekano w’ibiribwa, imirire, ibyoherezwa mu mahanga, kandi bufite isano ya bugufi n’urwego rw’inganda n’urwa za serivisi.  Urwego rw’ubuhinzi rwagize uruhare rungana na bibiri bya gatatu mu bijyanye no kugabanya ubukene mu gihe cy’Icyerekezo cya 2020. Twerekeje mu 2050, hazabaho iterambere mu rwego rw’ubuhinzi bigizwemo uruhare n’abahnzi babigize umwuga, barimo abagabo n’abagore, bazaba bita ku buhinzi bujyanye n’uruhererekane nyongeragaciro rw’ibikorwa by’inganda n’ubucuruzi. Ubuhinzi bugezweho bugamije isoko kandi bushobora guhangana n’imihindagurikire y’ibihe  Kugira ngo...
Read more