Menya Ibanga Rikomeye Minisitiri w'Ubuhinzi n'Ubworozi Yakoresheje mu Kurwanya Inzara muri uyu Mwaka !

-


Ubuhinzi ni inkingi ya mwamba y'ubukungu bw'u Rwanda. Abarenga 63% by'abaturage bose batunzwe nabwo. Ikintu cyahungabanya ubuhinzi kiba gihungabanyije imibereho myiza y'abanyarwanda muri rusange. Nyamara hari hashize imyaka itari mike abahinzi bateza neza uko bikwiye, ahanini biturutse kumpamvu z'imihindagurikire y'ikirere aho izuba ryavaga ari ryinshi cyangwa imvura yagwa ikagwa nabi igateza imyuzure imyaka ikahagendera. Ibi byari byaragize ingaruka k'umutekano w'ibiribwa muri rusange aho byagaragaraga no ku isoko ku izamuka ry'ibiciro by'ibiribwa aho ku myaka myinshi nk'ibirayi, ibishyimbo, ibigori n'ibindi ibiciro byikubye inshuro zirenga ebyiri. Abantu benshi bibazaga inzira bizacamo cyangwa niba bizongera kubaho abantu bakabona ibyo kurya bihagije. 

Baca umugani ngo "Itera amapfa niyo itanga aho bahahira". Nyuma yuko ikigo cy'igihugu gishinzwe iteganyagihe gitangaje yuko imvura mu gihembwe cy'ihinga cy'umuhindo cya 2024A izaboneka ku rwego ruhagije, Minisitiri w'ubuhinzi n'ubworozi, Dr. Ildephonse Musafiri yakoze ikintu gikomeye. Usibye uburyo busanzweho bwo kwigisha abahinzi guhinga kijyambere, guhabwa nkunganire y'ifumbire n'imbuto, Minisitiri w'ubuhinzi n'ubworozi yasabye ko ahantu hose hari ubutaka bishoboka ko bwahingwa, hahingwa. Ibi byarakozwe cyane, ku kigero n'inzuri nini, cyane cyane z'iburasirazuba zahinzwe hagasigara igice gito cyo kororeramo gusa. Ibi byatumye k'ubuso bwari busanzwe buhingwa hiyongeraho ubuso burenga hegitari ibihumbi makumyabiri (20,000Ha). Kugirango ubyumve neza dufashe ko ubu buso bwahinzwe ibigori, hanyuma tukeza toni 4/Ha, ni ukuvuga ngo umusaruro w'ibigori waba wariyongereyeho toni zisanga ibihumbi 80,000 kuwari kuboneka biturutse k'ubuso bushya bwahinzwe! Uyu musaruro ushobora guhaza abaturage bari hagati ya 700,000 na 800,000 ku mwaka! Ikindi Minisitiri w'ubuhinzi n'ubworozi yavuze ni icyo yise "Inama y'i Nyamata". Bikaba ari ibanga rikomoza kumikoranire ihamye hagati ya Minisiteri y'ubuhinzi n'ubworozi na Minisiteri y'ubutegetsi bw'igihugu aho mu kwezi kwa munani mu mwaka wa 2023 habaye inama rukokoma yabereye mu karere ka Bugesera I Nyamata yahuje abayobozi batandukanye b'inzego z'ibanze na Minisiteri zombi mu gutegura igihembwe cy'ihinga mu buryo bunoze. 

Nkuko byari byaratangajwe ikirere cyaje kuba kiza koko ! Abahinzi ubwabo bahamya ko umusaruro babonye muri iki gihembwe bawuherukaga mu myaka myinshi ishize. Ibishyimbo, ibigori, ibirayi nindi myaka byeze neza ku kigero cyo hejuru ndetse ubu hirya no hino mu gihugu ku masoko ibiciro by'ibiribwa byaragabanutse cyane.

Mu ijambo rya Dr. Ildephonse Musafiri, Minisitiri w'ubuhinzi n'ubworozi yavuze mu inama y'umushyikirano yabaye ku inshuro ya 19 yagize ati « Mbazaniye inkuru nziza uyu munsi ! Ubu turejeje. Muri iki gihembwe, umutekano w'ibiryo urahari kandi uzanakomeza. Turashimira abahinzi babigizemo uruhare, tunabibutsa gufata neza umusaruro. Duhunike, duteganyirize ejo, tutazasonza kandi twarejeje. »

Ingamba zo kugirango umutekano w'ibiryo uzakomeze zirimo guhinga kijyambere, duhingira ku gihe, Imbuto nziza y'indobanure, kubahiriza intera yagenwe, gukoresha inyongeramusaruro uko bikwiye, kurwanya indwara n'ibyonnyi no kugabanya iyangirika ry'umusaruro. Ikindi kwitabira gahunda y'ubwishingizi bw'imyaka n'amatungo ni ingenzi cyane. 


Comments

Post a Comment

Popular Posts

2023 Isize he Ubuhinzi ku Bikorera: Kompani Z'urubyiruko 5 Ziyoboye Izindi mu Guteza Imbere Ubuhinzi mu Rwanda

-
Image
  Mu Rwanda, ubuhinzi buracyaza kw'isonga mu kubeshaho abaturage benshi aho abarenga 63% by'abaturage bose batunzwe nabwo. Ibi bishimangira uko ubuhinzi ari ingenzi mu ubukungu n'iterambere ry'igihugu muri rusange. Nyamara nubwo bimeze bityo igabanuka ry'ubutaka buhingwaho  ahanini bitewe n'ubwiyongere bukabije bw'abaturage, ingaruka z'imihindagurikire y'ikirere no kugunduka k'ubutaka n'izimwe mu mbogamizi zikomeye zituma umusaruro w'ibikomoka k'ubuhinzi ukiri hasi cyane. Serivisi z'iyamamazabuhinzi zihamye kandi zinoze zigizwe no kwigisha abahinzi gukora ubuhinzi bwa kijyambere kandi buhangana n'imihindagurikire y'ikirere, ni kimwe mu bisubizo birambye ku kibazo cy'umusaruro muke n'iterambere ry'ubuhinzi muri rusange. Ntagihe kinini gishize, gutanga izi serivisi bigenda gahoro gahoro byegurirwa abikorera. Muri uyu mwaka ushize wa 2023, tugiye kurebera hamwe urutonde rwa kompani ziyoboye izindi kandi zitanga i...
Read more

Umusaruro w’ubuhinzi ugiye kwikuba: Bimwe mu bidasanzwe byamuritswe n’ikigo cy’urubyiruko cyegukanye igikombe cy’imurikabikorwa ry’ubuhinzi n’ubworozi kunshuro ya 16

-
Image
  Hagati ya tariki 20-29 Kanama 2023, Ku Mulindi mu Karere ka Gasabo, habereye imurikabikorwa ry’ubuhinzi n’ubworozi ryateguwe na minisiteri y’ubuhinzi n’ubworozi, MINAGRI kunshuro yaryo ya 16. Imurikabikorwa ry’uyu mwaka ryari rifite insanganyamatsiko igira iti “Kuvugurura ubuhinzi n’ubworozi binyuze mu ikoranabuhanga, guhanga ibishya n’ishoramari”. Ni imurikabikorwa ryitabiriwe n’abamurikabikorwa bagera kuri 400 baturutse mu bihugu bigera kuri 16. Mu isozwa ry’iri murikabikorwa hahembwe abahize abandi mu kumurika mu byiciro bitandukanye. AGRIRESEARCH UNGUKA Ltd, ikigo cy’urubyiruko gikora ubushakashatsi n’iyamamazabuhinzi bigamije isoko, cyaturutse mu karere ka Musanze, nicyo kigo cy’urubyiruko cyahize ibindi cyegukana igihembo cy’abamuritse neza. Bimwe mu bidasanzwe AGRIRESEARCH UNGUKA Ltd yamuritse, harimo ikoranabuhanga ryitwa SmartInput, ikoranabuhanga rikomatanyije serivisi z’iyamamazabuhinzi zifasha abahinzi gukora ubuhinzi bwa kijyambere kinyamwuga. Rifite uburyo bufas...
Read more

UBUHINZI BW'URWANDA MU CYEREKEZO 2050

-
Image
  Ubuhinzi Bubyara Ubukire Mu myaka 20 ishize, ubuhinzi bwagize uruhare rukomeye mu izamuka ry’ubukungu no mu igabanuka ry’ubukene. Kuba Abanyarwanda begera 70% batunzwe n’ubuhinzi nabwo bukaba bwinjiza kimwe cya gatatu cy’umusaruro mbumbe w’imbere mu Gihugu, nta gushidikanya ko buzakomeza kugira uruhare rukomeye muri urwo rwego mu myaka 30 iri imbere. Ubuhinzi bufite uruhare runini ku byerekeranye n’umutekano w’ibiribwa, imirire, ibyoherezwa mu mahanga, kandi bufite isano ya bugufi n’urwego rw’inganda n’urwa za serivisi.  Urwego rw’ubuhinzi rwagize uruhare rungana na bibiri bya gatatu mu bijyanye no kugabanya ubukene mu gihe cy’Icyerekezo cya 2020. Twerekeje mu 2050, hazabaho iterambere mu rwego rw’ubuhinzi bigizwemo uruhare n’abahnzi babigize umwuga, barimo abagabo n’abagore, bazaba bita ku buhinzi bujyanye n’uruhererekane nyongeragaciro rw’ibikorwa by’inganda n’ubucuruzi. Ubuhinzi bugezweho bugamije isoko kandi bushobora guhangana n’imihindagurikire y’ibihe  Kugira ngo...
Read more