Menya Umushinga Udasanzwe W’ubuhinzi Bwo mu Migi wo Guhinga Ku Mazu Y’amagorofa mu Kirere Hadakoreshejwe Ubutaka

-








Ikigo cy’umuryango w’abibumbye cy’ibiribwa n’ubuhinzi (FAO) ishami ryacyo ryo mu Rwanda, ku munsi mpuzamahanga w’amazi, ryahishuye umushinga wabo wo guteza imbere ubuhinzi bwo mu migi aho bahinga ku mazu y’amagorofa mu kirere hadakoreshejwe ubutaka. Ni umushinga bagaragaje kumafoto meza atangaje yerekana mboga nziza ndetse n’inkeri byeze kunyubako y’ibiro byabo biherereye Kacyiru. Nkuko babitangaje k’urubuga rwabo rwa X, ni umushinga ugamije guteza imbere ubuhinzi bwo mu migi minini mu gusigasira umutekano urambye w’ibiribwa.

Iburyo : Coumba D. Sow, Umuyobozi mukuru wa FAO Rwanda afashe inkeri zeze mu ntoki ari kumwe na Christian IRAKOZE, umuyobozi mukuru wa kompani y'urubyiruko, Eza Neza. 







Mu busanzwe u Rwanda ruri mubihugu biza imbere mu kugira ubwiyongere n’ubucucike bukabije bw’abaturage. Ibi bigendana n’ubwiyongere bw’ibiryo bikenewe nyamara bikagendana nanone n’igabanuka ry’ubutaka buhingwaho. Ubushakashatsi bugaragaza ko umuvuduko w’ubwiyongere bw’abaturage ukomeje k’urwego uriho, muri 2050  u Rwanda rwazaba rutuwe n’abaturage bakabakaba miliyoni 24. Kugirango tubashe guhaza aba baturage, ubuhinzi bukomeje gutanga umusaruro nkuwo butanga uyu munsi, byasaba ko nibura tuba duhinga k’ubuso bungana na metero kare 103,000, ni ukuvuga ngo ni ubuso bukubye inshuro enye ubuso bw’igihugu cyose muri rusange. Ibi ubwabyo bisa nk’ibidashoboka.

Ubuhinzi bwa kijyambere bwo guhinga ku magorofa hadakoreshejwe ubutaka. 







Kimwe mu bisubizo byatuma tuzabasha guhaza abaturage tuzaba dufite icyo gihe, harimo gukoresha ikoranabuhanga rigezweho, harimo no guteza imbere ubuhinzi bwo mu migi budakoresha ubutaka nkubu FAO Rwanda izanye. Uyu mushinga w'ubuhinzi bwo ku magorofa budakenera ubutaka, FAO Rwanda iri kuwukora ifatanije na kompani y'urubyiruko yitwa Eza Neza, iyobowe na Christian Irakoze, unabarizwa mu rwego rw'abayobozi bakuri b'ikigo cy'ihuriro ry'urubyiruko rukora ubuhinzi n'ubworozi mu Rwanda (RYAF). 

Ibiro bikuru bya FAO Rwanda biherereye Kacyiru, ahatangirijwe ubuhinzi bwa kijyambere bwo guhinga ku magorofa hadakoreshejwe ubutaka

Comments

Post a Comment

Popular Posts

2023 Isize he Ubuhinzi ku Bikorera: Kompani Z'urubyiruko 5 Ziyoboye Izindi mu Guteza Imbere Ubuhinzi mu Rwanda

-
Image
  Mu Rwanda, ubuhinzi buracyaza kw'isonga mu kubeshaho abaturage benshi aho abarenga 63% by'abaturage bose batunzwe nabwo. Ibi bishimangira uko ubuhinzi ari ingenzi mu ubukungu n'iterambere ry'igihugu muri rusange. Nyamara nubwo bimeze bityo igabanuka ry'ubutaka buhingwaho  ahanini bitewe n'ubwiyongere bukabije bw'abaturage, ingaruka z'imihindagurikire y'ikirere no kugunduka k'ubutaka n'izimwe mu mbogamizi zikomeye zituma umusaruro w'ibikomoka k'ubuhinzi ukiri hasi cyane. Serivisi z'iyamamazabuhinzi zihamye kandi zinoze zigizwe no kwigisha abahinzi gukora ubuhinzi bwa kijyambere kandi buhangana n'imihindagurikire y'ikirere, ni kimwe mu bisubizo birambye ku kibazo cy'umusaruro muke n'iterambere ry'ubuhinzi muri rusange. Ntagihe kinini gishize, gutanga izi serivisi bigenda gahoro gahoro byegurirwa abikorera. Muri uyu mwaka ushize wa 2023, tugiye kurebera hamwe urutonde rwa kompani ziyoboye izindi kandi zitanga i...
Read more

Umusaruro w’ubuhinzi ugiye kwikuba: Bimwe mu bidasanzwe byamuritswe n’ikigo cy’urubyiruko cyegukanye igikombe cy’imurikabikorwa ry’ubuhinzi n’ubworozi kunshuro ya 16

-
Image
  Hagati ya tariki 20-29 Kanama 2023, Ku Mulindi mu Karere ka Gasabo, habereye imurikabikorwa ry’ubuhinzi n’ubworozi ryateguwe na minisiteri y’ubuhinzi n’ubworozi, MINAGRI kunshuro yaryo ya 16. Imurikabikorwa ry’uyu mwaka ryari rifite insanganyamatsiko igira iti “Kuvugurura ubuhinzi n’ubworozi binyuze mu ikoranabuhanga, guhanga ibishya n’ishoramari”. Ni imurikabikorwa ryitabiriwe n’abamurikabikorwa bagera kuri 400 baturutse mu bihugu bigera kuri 16. Mu isozwa ry’iri murikabikorwa hahembwe abahize abandi mu kumurika mu byiciro bitandukanye. AGRIRESEARCH UNGUKA Ltd, ikigo cy’urubyiruko gikora ubushakashatsi n’iyamamazabuhinzi bigamije isoko, cyaturutse mu karere ka Musanze, nicyo kigo cy’urubyiruko cyahize ibindi cyegukana igihembo cy’abamuritse neza. Bimwe mu bidasanzwe AGRIRESEARCH UNGUKA Ltd yamuritse, harimo ikoranabuhanga ryitwa SmartInput, ikoranabuhanga rikomatanyije serivisi z’iyamamazabuhinzi zifasha abahinzi gukora ubuhinzi bwa kijyambere kinyamwuga. Rifite uburyo bufas...
Read more

UBUHINZI BW'URWANDA MU CYEREKEZO 2050

-
Image
  Ubuhinzi Bubyara Ubukire Mu myaka 20 ishize, ubuhinzi bwagize uruhare rukomeye mu izamuka ry’ubukungu no mu igabanuka ry’ubukene. Kuba Abanyarwanda begera 70% batunzwe n’ubuhinzi nabwo bukaba bwinjiza kimwe cya gatatu cy’umusaruro mbumbe w’imbere mu Gihugu, nta gushidikanya ko buzakomeza kugira uruhare rukomeye muri urwo rwego mu myaka 30 iri imbere. Ubuhinzi bufite uruhare runini ku byerekeranye n’umutekano w’ibiribwa, imirire, ibyoherezwa mu mahanga, kandi bufite isano ya bugufi n’urwego rw’inganda n’urwa za serivisi.  Urwego rw’ubuhinzi rwagize uruhare rungana na bibiri bya gatatu mu bijyanye no kugabanya ubukene mu gihe cy’Icyerekezo cya 2020. Twerekeje mu 2050, hazabaho iterambere mu rwego rw’ubuhinzi bigizwemo uruhare n’abahnzi babigize umwuga, barimo abagabo n’abagore, bazaba bita ku buhinzi bujyanye n’uruhererekane nyongeragaciro rw’ibikorwa by’inganda n’ubucuruzi. Ubuhinzi bugezweho bugamije isoko kandi bushobora guhangana n’imihindagurikire y’ibihe  Kugira ngo...
Read more